Младиот 16-годишен прилепчанец Никифор Илиоски, член на прилепска Победа, со посредство на спортската организација Спорт Талент, деновиве ќе замине за Италија, каде ќе продолжи со образованието и фудбалската кариера. Илиоски ќе биде дел од академијата ИСМ Перуџа, каде ако се наметне ќе потпише перманентен договор. Имено, младиот талент потекнува од познатата прилепска школа МБ Талент, сегашни партнери на АП, од каде и дојде првата препорака за неговите квалитети.
Тоа е и основната цел на организацијата, која лансира млади таленти и им дава шанса за меѓународна надградба во земји каде што се работи професионално и конкуренцијата е поголема.
Прилепчанецот на 10 јануари заминува во Перуџа и таму ќе остане до крајот на оваа сезона. Ќе има можност да тестира против посилни ривали и со тоа да се надградува. Оваа академија во своите редови примила и афирмирала многу млади таленти од цел свет, а некои и денес играат во најсилните национални шампионати ширум Европа.
Текстот интергрално е преземен од нашиот медиумски партнер Gol.mk.