Гигантот МИЛАН е првата дестинација на нашите таленти

Секогаш вистинската и добра работа дава долгорочни позитивни ефекти.

Во таа насока, СПОРТ ТАЛЕНТ после второ одржаниот успешен скаутинг камп во Битола, после повторените високи оцени и препораки за повеќето поединци доби ексклузвина покана за присуство на двата најдобри млади таленти од генерацијата 2003 година за учество на техничка селекција и тренинзи со тренери од фудбалската академија на АЦ Милан во Италија.

Поканата доаѓа директно од еден од скаутите на АЦ Милан, и ФИФА агент, Алесандро Паван, кој и беше гостин на нашиот камп претходната година.

Имено, Никола Димитровски и Кристијан Тасески, веќе добро познати имиња во нивната генерација во овие простори ќе бидат нашите горди претставници на оваа селекција од 18-ти до 26-ти Јули во Италија во базата на Милан која во овој период за овие генерации ќе биде во близина на Верона.

Спорт Талент, не се сомнева во нашите таленти и квалитети кои ги имаме како поднебје особено до 14-15 годишна возраст и смета дека на овој начин можи да ги продлабочиме нашите знањеа, вештини и само го продолжиме талентот во вистинска работа и професионализам.