Спорт Талент е преблагодарен за изразената поддршка која веќе ја добиваме и како што беше и планирано ќе се реализира баш и на самиот камп, па гордо и ги споделуваме дел од имињата кои на некој начин ќе учестуваат во овој настан со вистинска реализиција и цел при секое негово одржување.
Како поддржувачи особено во техничкиот дел на кампот сите учесници ќе имаат можност да научат нешто повеќе за фудбалската игра од нашите познати фудбалски имиња:
Наум Љамчевски, Златко Цветаноски-Дуци, Лазе Гаштаров, Ванчо Мицевски, Менде Грозданов, Горан Ристевски, Димитар Капинковски, Никола Мрмачовски и други кои дополнително ќе ги објавиме.
Секако во делот на поддршката, а од тренерските имиња очекуваме посети од сите добро познати и признати фудбалски имиња од типот на Никола Илиевски-Џиџи, Горазд Михајлов, Влатко Костов, Милан Лазиќ итн.
Особено радува и фактот за поддршката која ја добиваме од нашите пред се интернационалци како Мирко Ивановски, Николче Новески, Мартин Богатинов, Даниел Мојсов, Владица Брдаровски, Христијан Драгарски, Томе Китановски, Владимир Димитровски, исто така и битолчаните во домашното првенство како Марјан Алтипармаковски и Благоја Љамчевски, па и интернационалци од други земји како Винко Буден, Славко Лукиќ, Драган Церан, Саша Новаковиќ, Никола Грубјешиќ и други.